Gards- og ættesoge for Bygland
Gards- og ættesoge for Bygland er gards- og ættesoge for Bygland utgjeve i 1952. Forfattaren er Reidar Bolling (1902–1976), som var sokneprest i Bygland i åra 1928–1947. Boka er på 449 sider og ho blei gjeve ut av Bygland bygdesogenemnd.
Frå ide til bok
Ideen til å gje ut eit tillegg til Byglands soge som kom ut i 1939 blei fødd under eit møte i heradstyret 6. april 1946. Sju karar blei valde til å sitje i bygdesogenemda, som hadde sitt fyrste møte i Heradshuset på Bygland 19. mai 1946:
- lærar Aa. Skomedal
- Eivind Ose
- Mikkjel Skjevrak (formann)
- Torleiv Bø
- Gunnar T. Lande
- sokneprest Reidar Bolling
- Aasulv Lande
Seinare ba Aasulv Lande seg friteken og i hans stad kom lærar Mikkjel Attestog inn i nemda. Han blei vald til kasserar.
Under det fyrste møtet blei det fylgjande vedteke:
- «Då bygdesoge-nemda ser det slik at arbeidet med ei ny og større bygdebok il bli eit kostesamt tiltak med dei store prentingsutgiftene no, tillet ein seg med dette å be det vyrde heradstyret førebels å setje av kr. 5000 til arbeidet. Når ein seinare under arbeidet får meir oversyn over utgiftane, kan ein samtale nærare om saka.»
Ganske snart blei planane endra, og ein ville gjeve ut ei omarbeidd utgåve av den gamle Byglands soga. Det var viktigare å få til eit serskilt band om gardar og ætter i Bygland. Kvart einskild medlem av nemda skulle hjelpe til med innsamling av stoff, og nemda fikk etterkvart fleire medlemmer, mellom anna
- forretningsførar Aslak Lidi
- Jon Løyland
- Knut Vatsend
- lærar Torleiv Bø
- høgskulestyrar Gunnar Aa. Lande, Søgne
Register
Austad, s. 90–98 Austad syndre (Bygland)|Austad syndre, gnr. 14, s. 98–111 |
Kile, gnr. 17, s. 127–129 |
Ose, gnr. 15, s. 111–123 |
Kjelde
- Avsnittet «Frå ide til bok»: Bolling, Reidar: Gards- og ættesoge for Bygland, 1952, s. 5–6.
- Boka på ask.bibsys.no Vitja 18. november 2011