Setesdalswiki:Såpekasse

Fra Setesdalswiki
Share/Save/Bookmark
Hopp til: navigasjon, søk
Velkommen til Setesdalswiki. Har du noe du lurer på, eller noe du vil diskutere, kan du skrive her. —--Harald Haugland (diskusjon) 2. mai 2015 kl. 09:45 (CEST)

Såpekasse/Arkiv 2009Såpekasse/Arkiv 2010Såpekasse/Arkiv 2011Såpekasse/Arkiv 2012Såpekasse/Arkiv 2013Såpekasse/Arkiv 2014Såpekasse/Arkiv 2015Såpekasse/Arkiv 2016

Nytt hundretal og årsskifte[rediger]

Vi nådde 86 900 med datoartikkelen 13. februar 2017. Det skjedde 29. desember 2016. Årets siste artikkel i 2016 vart artikkelen om Steinar Reiersen. Dermed nådde vi 86 912 artiklar i 2016. Ved starten av året hadde vi 85 163. Auken dette året var difor 1 749 artiklar. Det er 45 færre artiklar enn i 2015.

Når vi ser på Setesdalswiki, vil vi framleis finne mange røde lenker. Det betyr at det er meir å skrive om i 2017. Vi har alt starta, vonleg vil det halde fram i året som ligg framom. I året som gjekk var det nesten 76 000 unike besøk. Det betyr at mange finn nytting informasjon på Setesdalswiki. Det håpar vi vil skje også i året som kjem. Godt nytt år. Harald Haugland (diskusjon) 1. jan. 2017 kl. 22:01 (CET)

87 000[rediger]

I dag tidleg nådde vi det nye tusentallet, 87 000. Vi måtte bruke litt tid på det, forrige hundretall nådde vi 29. desember 2016, i dag er det 14. januar 2017, så det var over to veker. Det var ein datoartikkel som gjorde utslaget, og den ligg langt fram i tid også, midt i juli, for då er det gamaveke i Bygland, og den er alt kome på kalenderen. Så no får vi fylle tida fram til gamaveko med nye artiklar om dagar og hendingar. Det er nok av røde lenker å ta tak i. Setesdalswiki har plass til det meste, for om det ikkje er direkte relatert til Setesdal, så er det nok indirekte relatert. Og indirekte relasjonar er også relasjonar. Harald Haugland (diskusjon) 14. jan. 2017 kl. 12:50 (CET)

Olav K. Sandnes[rediger]

Eg tok meg på tak og fann fram boka om Lund-slekta i Valle-Setesdal 1872-1972 for å skrive om den einaste av barna til lensmann Juel Lund (1869) som ikkje hadde fått artikkel her, Tora Sandnes. Etter å ha skrive om henne, måtte eg skrive om mannen hennar, Olav K. Sandnes, og det blei artikkel nr. 87 100. Då fekk vi 100 nye på vel to veker og kan gå i gang med eit nytt hundretal. Det er nok å ta av. Harald Haugland (diskusjon) 31. jan. 2017 kl. 00:47 (CET)

Gamle aviser[rediger]

Med tida er det planen å få inn overskrifter ikkje bare frå Setesdølen som kjem ut no, men også frå eldre årgangar. I dag kom Setesdølen nr. 101, 2008. Det vart artikkel nr. 87 200. Knappe tre veker brukte vi denne gongen. Harald Haugland (diskusjon) 17. feb. 2017 kl. 12:42 (CET)

Fjell høyrer også med[rediger]

Artikkel nr. 87 300 var om Husefjell (Bjørgum). Denne gongen brukte vi to veker på hundre nye artiklar. Harald Haugland (diskusjon) 4. mar. 2017 kl. 00:11 (CET)

Han står tidleg opp[rediger]

Geir står tidleg opp om morgonen, ofte har han hatt ei økt på Setesdalswiki når eg får meg frukost. I dag klokka halv ni runda vi eit nytt hundretal, artikkel nr. 87 400 var artikkelen om 31. mai 2017. Då skal det vere vårkonsert på i Evje kyrkje med musikalen Visst skal våren komme. Denne gongen brukte vi tre veker på eit hundretal, men vi veks, og bruken går heller ikkje nedover, snittet med besøk i mars til no er på 550 besøk kvar dag. Harald Haugland (diskusjon) 25. mar. 2017 kl. 23:39 (CET)

Påskesending[rediger]

Påskesending skjærtorsdag 2017 vart artikkel nr. 87 500. Den kom i går, så det gjekk tre veker på dei hundre artiklane. Harald Haugland (diskusjon) 16. apr. 2017 kl. 09:18 (CEST)

Ser langt fram[rediger]

Geir ser langt fram, så artikkelen 27. oktober 2017 vart artikkel nr. 87 600. Hendinga som kom opp der, var Kulturveka i Valle. Også denne gongen brukte vi tre veker på hundre artiklar, så produktiviteten har gått litt ned. Men om farten er mindre, så ser vi langt fram. Harald Haugland (diskusjon) 8. mai 2017 kl. 09:53 (CEST)

Heievegar har også namn[rediger]

Greinevegen vart artikkel nr. 87 800. Denne gongen skreiv eg ikkje noko ved passering av forrige hundretal, så det er 200 artiklar sidan siste notis her, den kom for fem veker sidan. I løpet av sommaren burde vi vel klare å runde eit nytt tusental, men om vi skal runde hundre tusen i det dei kallar overskueleg framtid, må nok fleire skribentar bli med i dugnaden. Harald Haugland (diskusjon) 14. jun. 2017 kl. 11:35 (CEST)

Ung ryttar[rediger]

Artikkelen om Sigrid Høgevold vart artikkel nr. 87 900. Ho fekk sølvmedalje i NM distanseridning 24. juni 2017, og då var det naturleg med ein artikkel i avisa. Setesdalswiki har ikkje fylgd opp sportsresultat i særleg grad, dersom nokon som fylgjer lokale utøvarar aktivt ville skrive om det, hadde det jo vore fint. Men av og til kjem det artiklar som kan høve for nettleksikonet også, og denne gongen var det ein slik. Gratulerer til Sigrid Høgevold! Harald Haugland (diskusjon) 7. jul. 2017 kl. 11:28 (CEST)

Indre Agder[rediger]

Då Setesdalswiki starta, var Setesdal dekningsområde for leksikonet. Men ettersom tida har gått, har det nok utvikla seg til å bli aktuelt å skrive om tema frå heile Indre Agder. Dels har det å gjere med at avisa Setesdølen har utvikla seg i den retningen. Dels har det å gjere med at folk i Setesdal har nettverk i heile Indre Agder, ikkje bare i Setesdal. Difor var det ikkje unaturleg at artikkel nr. 88 000 ikkje kom frå Setesdal, men handla om Seland (Konsmo), garden der det skal vere auksjon i morgon og sundag. Garden og auksjonen var omtalt på framsida i Setesdølen nr. 50, 2017. Vi har altså runda eit nytt tusental i dag. Geir Daasvatn skreiv artikkelen. Vi brukte vel sju månader på desse tusen nye artiklane, forrige tusental, runda vi 17. januar 2017. I fjor klarte vi 1750 artiklar på eitt år. Om vi klarer meir i år, står att å sjå. Men det er nok å skrive om. Harald Haugland (diskusjon) 28. jul. 2017 kl. 15:00 (CEST)

Ringeriksbua[rediger]

20. august 2017 runda vi eit nytt hundretal. Artikkel nr. 88 100 var ein artikkel om Ringeriksbua. I ferietida måtte vi ha tre veker på dei første hundre artiklane på det nye tusentalet. Så får vi sjå korleis det går med dei neste hundre. Harald Haugland (diskusjon) 23. aug. 2017 kl. 11:57 (CEST)

Nesten ein månad[rediger]

Denne gongen brukte vi nesten ein månad på eit nytt hundretal. Artikkelen om Toralf Austrud kom i kveld, og dermed var det 88 200 artiklar på Setesdalswiki. Sjølv om ferien er over for dei fleste, er det visst feriemodus her framleis. Men kan hende det går fortare når hausten no kjem. Harald Haugland (diskusjon) 18. sep. 2017 kl. 22:28 (CEST)

Tveitsund bru[rediger]

Artikkelen om Tveitsund bru vart artikkel nr. 88 300. Den kom i går, så vi brukte om lag tre veker på hundre nye artiklar denne gongen. I september fekk vi også høgaste talet på sidevisningar og besøk til no i 2017. Grunn til glede ein regntung dag i oktober. Harald Haugland (diskusjon) 11. okt. 2017 kl. 16:11 (CEST)

Vegartiklar[rediger]

Det aukar også med vegartiklar i lekikonet. Artikkelen om Rikesvegen i Valle vart artikkel nr. 88 400. Den kom i går, 29. oktober, og det var då knappe tre veker sidan vi runda forrige hundretal. Framleis er det vegartiklar å skrive, nå har vegane også fått skilt, så bilde av skilta kan også vere med og illustrere artiklane, slik det skjedde denne gongen. Takk til Geir! Harald Haugland (diskusjon) 30. okt. 2017 kl. 10:29 (CET)

Agder Spelemannslag[rediger]

Agder Spelemannslag vart til Setesdal spelemannslag. Ein liten artikkel om dette vart artikkel nr. 88 500. Også denne gongen gjekk det knappe tre veker. Harald Haugland (diskusjon) 18. nov. 2017 kl. 19:46 (CET)

Draumarnuten[rediger]

Draumarnuten er ein topp i Bygland, den vart artikkel nr. 88 600. Denne gongen brukte vil litt lenger tid på å nå eit nytt hundretal, så det spørs om ikkje det vart siste runding i 2017. Harald Haugland (diskusjon) 13. des. 2017 kl. 23:49 (CET)

Kommunevåpen, nytt år og rekord[rediger]

Godt nytt år! Artikkelen om Kommunevåpenet i Bygland kommune vart artikkel nr. 88 700. Vi nådde det nye hundretalet 31. desember 2017. Eg hadde ikkje trudd vi skulle runde fleire hundretal i 2017, men denne gongen brukte vi 18 dagar på å runde eit nytt hundretal. Dette var også fjorårets siste dag, med to artiklar til i boks i går, vart totalt antall ved utgangen av 2017 88 702. Tilveksten i 2017 var på 1790 artiklar, 45 meir enn i 2016.

Om vi ser på besøkstal i 2017, er det stor grunn til å glede seg. 110 262 unike gjester besøkte Setesdalswiki i året som gjekk. Dei hadde 180 804 besøk og såg på 1 861 355 sider. Før rekna vi med om lag 400 besøk kvar dag, i desember var det over 550. Så er det bare å halde fram med å utvikle leksikonet vårt i året som kjem. --Harald Haugland (diskusjon) 1. jan. 2018 kl. 19:54 (CET)

Datoartiklar[rediger]

Då vi innførte datoartiklar på Setesdalswiki, vart nettstaden plutseleg utvida med over 75.000 artiklar. Alle datoane frå 1. januar 1800 kom inn i leksikonet. Det endra sjølvsagt ikkje bare mengden artiklar, men også måten leksikonet kunne brukast på. No blir det registrert små og store hendingar på dei aktuelle datoane i tillegg til fødselsdagar og dødsdagar. Årleg gjev det 365 nye artiklar, og medan vi den første tida etterpå oppretta nye datoartiklar bare ei veke framover, er det no ikkje slik begrensning. Når avisa eller andre skriv om noko som skal skje i framtida, hamnar det ofte i ein datoartikkel på Setesdalswiki. Målet er jo å spegle hendingar i Setesdal særleg, men også i dei indre bygder.

Den siste veka fekk vi hendingar inn i datoartiklane for aprildagane 1940, så det er ikkje bare aktuelle hendingar som kan registrerast. Om mange historieinteresserte hadde vore med i dugnaden, kunne vi nok fått endå meir slikt stoff inn, men det får kome etter kvart.

Datoartikkelen for 26. mai 2018 kom i dag og blei artikkel nr. 88 800. Klikk på lenka, så ser du kva som hender den dagen. --Harald Haugland (diskusjon) 27. jan. 2018 kl. 13:42 (CET)

Avisa[rediger]

Eg har mange gonger gitt uttrykk for nytta som Setesdalswiki har av Setesdølen. Leksikonet kan bruke lokalavisa som kjelde for artiklar. Avtalen vi har med avisa om å kunne skrive inn overskriftene, legg grunn for lenker som blir til artiklar basert på det som står i avisa. Denne gongen var det vår artikkel Setesdølen nr. 15, 2018 som førte til at vi runda artikkel nr. 88 900. Vi brukte ein knapp månad på det. Nå er snart februar over, så når mars er over, har vi nok runda eit nytt tusental om vi held fram i same tempo. Harald Haugland (diskusjon) 23. feb. 2018 kl. 23:35 (CET)

Hurra![rediger]

I går kveld runda vi 89 000. Det skjedde med artikkelen Glømstre, som Geir Daasvatn skreiv. Han hadde også bilete i artikkelen, så du lett kan sjå kva den handlar om. Eg har tidlegare skrive at vi gjerne skulle nådd 100 000 artiklar innan vi blir 10 år, men då treng vi 11 000 nye artiklar. Det blir om lag tusen i månaden, og då må tempoet skruast opp mykje, for no brukte vi om lag tre veker på 100. Harald Haugland (diskusjon) 15. mar. 2018 kl. 12:36 (CET)

Oppe igjen[rediger]

Det var ein strek i rekninga at Setesdalswiki gjekk ned i påska 2018 og var nede frå midt på dagen 29. mars 2018 til om kvelden 2. april 2018. Når serveren i Oslo går ned medan ein er på påskeferie i Mandal, er det bare å vente til ferien er over, om ein ikkje skal bryte av for å fikse feilen, då. Men fem-seks timar kvar veg i bilen, det vart for mykje denne gongen, så vi måtte bare vente. Heldigvis er det ikkje ofte det skjer. Harald Haugland (diskusjon) 3. apr. 2018 kl. 10:51 (CEST)