Jordalsbø
.jpg)
Jordalsbø er ei grend i Bygland kommune, omlag tre kilometer nord-aust for Bygland sentrum, mellom Lidi i sør og Skreland i nord. Forbi Jordalsbø i sør renn Søråni. På norsida renn Nordåni. Mellom dei to elvane ligg Jordalsbø.
Seks matrikkelgardar utgjer til saman grenda Jordalsbø: Nørstebø, Kolshus med Attestog, Såghus, Krosstog, Stuttstog og Nerhus.
Fylkesveg 322 går frå Bygland kyrkjebygd til Jordalsbø. Lokalt kallast denne vegen Jordalsvegen.
I gards- og ættesoga for Bygland skriv Reidar Bolling:
«Jordalsbø hallar mot sør-vest med små sletter og bratte bakkar. Jorda er god, djup og moldrik. Men ho er steinut og dyr å dyrke, noko som steinrøyser og steingjerde tydeleg vitnar om».
Historie
Grenda har namn etter den gamle garden Jordal. Han må ha femna om heile det noverande Jordalsbø. Garden var dela i høgmellomalderen, skriv Reidar Vollen i Bygland gard og ætt.
Kjelder
- Reidar Bolling, Gards- og ættesoge for Bygland, utgjeve av Bygland bygdesogenemnd, 1952, side 254
- Reidar Vollen, Bygland gard og ætt, bind VII, utgjeve av Bygland kommune, 2012, side 519-564