Setesdølen
Setesdølen er ei avis som har kome ut i Bygland sidan 1975. Avisa har kome ut tysdag og fredag. Men frå 19. januar 2017 kjem ho ut tysdag og torsdag.[1] Avisa vert redigert på nynorsk. Frå desember 2018 er Setesdølen også på nett, både med E-avis og nettavis.
Redaktør er Sigurd Haugsgjerd, som også er den største private eigaren. Han har vore redaktør det meste av tida, men i ein periode då han hadde permisjon for å arbeide i NRK, delte Paal Vollen og Bjørn Mikal Lothe oppgåva som bladstyrar.[2]
Kommunane i Setesdal eigde lenge 49% og private 51% av avisa. I dag er kommunane ute på eigarsida. Største aksjonær no er Setesdølen Eigedom AS. Bak selskapet står redaktør Haugsgjerd og forretningsførar Anne Bygland. Resten av aksjane er fordelte på Haugsgjerd og Bygland privat.[3] Avisa er spesiell ved at den har over 100% dekning i utgjevingskommunen.
Avisa speglar politikk, kulturliv og næringsliv i Setesdal og dei indre bygder på Agder. At avisa framleis har opplagsauke sjølv om den har opp mot 100% dekning i Setesdal, trur redaktør Sigurd Haugsgjerd kan skuldast at fleire hyttefolk abonnerer på avisa eller kjøper henne. Dei vil fylgje med i det som skjer i området der hytta ligg.
Redaktørar[rediger]
- 1974–1975: Helge Arild Bolstad
- 1976–1976: Paal Vollen
- 1976– no: Sigurd Haugsgjerd
Journalistar[rediger]
Setesdølen har hatt ei rekke journalistar i si teneste.
- Ole Birger Lien til mai 2010, og frå 15. mars 2011
- Sigrid Åsen Haugsgjerd
- Helene Horverak frå august 2010 til august 2011
- Sigbjørn Høidalen
- Ole Aa. Brattfjord
- Olav Åsen Haugsgjerd - sommarvikar
- Ørjan Hatteberg
Opplag[rediger]
Sjå også[rediger]
Ekstern lenke[rediger]
Referansar[rediger]
- ↑ Setesdølen kjem ut på torsdagar, kunngjering i Setesdølen nr. 3, 2017, side 1
- ↑ Sigurd Haugsgjerd: Bjørn Mikal Lothe til minne. Minneord i Setesdølen 5. mai 2009 side 2.
- ↑ Opplysningar om eigarskapen i Setesdølen AS på Proff.no
- ↑ «Avisenes leser- og opplagstall for 2006» fra Mediebedriftenes Landsforening, publisert 12. februar 2007
- ↑ «Avisenes leser- og opplagstall for 2007» fra Mediebedriftenes Landsforening, publisert 14. februar 2008
- ↑ Offisielle opplagstall hos Mediebedriftenes Landsforening
- ↑ Ole Birger Lien, Setesdølen auka mest på papir i landsdelen!, artikkel i Setesdølen nr. 20, 2017, side 9
