Setesdal spelemannslag

Setesdal spelemannslag vart skipa 31. august 1930, under namnet Agder Spelemannslag. I 1935 blei namnet endra til Setesdal spelemannslag. Føremålet til laget er å samle spelemenn, kvedarar, dansarar og andre interesserte for å dyrke og ta vare på folkemusikk- og dansetradisjonen i Setesdal. Laget har fokus på opplæring i spel, kveding og dans. Etter at laget vart etablert, har det stått for Setesdalskappleiken, som vert arrangert kvart år i august. Leiar for laget frå 2023 er Astri Rysstad. Ho tok over etter Gunnar D. Ose.

UNESCO

Saman med andre hadde laget ei tid arbeidd for at setesdalstradisjonen, med dans, spel og stevjing, skulle få status som immateriell kulturarv på verdsarvlista til UNESCO. 12. desember 2019, under det 14. møtet i UNESCO-komitéen, vart statusen gjeven, og i 2020 vart laget kåra til årets lokallag av FolkOrg.

Landskappleiken 2026

• I desember 2023 blei Setesdal Spelemannslag tildelt ansvaret som arrangør av Landskappleiken 2026. Arrangementet skal vere på Hovden 25.–29. juni 2026.

Æresmedlemmer

Meisterspelemannen Olav Heggland er mellom heidersmedlemene i Setesdal Spelemannslag. Han var den aller første i laget som fekk denne gjeve utmerkinga.

• Knut Jonson Heddi, Gunnar Austegard, Olav Heggland, Eivind Ose, Olav Kleberg, Dreng Ose, Anders K. Rysstad, Ånund Tveit, Gunnar Lande, Augund Rike, Gro Heddi Brokke, Aslak Austad, Såvi Rysstad, Otto Furholt og Torbjørg Aamlid Paus.
• 1990 Torleiv H. Bjørgum
• 2011 Hallvard T. Bjørgum, Halvdan Furholt og Gunnar Stubseid
• 2012 Vidar Lande
• 2015 Sigmund Skomedal
• 2016 Bjørgulv Straume
• 2020 Kari Margrete Okstad

Historie

I det første styret var desse med: Gunnar Lande, formann, Torleiv Frøyså, J. G. Nordgård, Olav Heggland og Dreng Ose.

Litteratur

I samband med 50-årsjubileet i 1980 skreiv Gunnar Lande og Hallvard T. Bjørgum festskriftet Setesdal Spelemannslag 50 år. 1930-1980. Boka er på 424 sider og er illustrert.

Kjelder

• Rebecca Egeland: Torleiv H. Bjørgum - Utøvaren, Tradisjonane og Munnharpa- Særoppgåve i folkemusikkhistorie 2010
• Sigurd Haugsgjerd: Nye æresmedlemmer!. Artikkel i Setesdølen nr. 65, 2011 side 16
• Artikkel om Setesdal Spelemannslag i Folkemusikk og folkemusikkutøvarar i Noreg 2 1996 side 77 ISBN 82-90723-18-0
• Vidar Toreid, Sigmund Skomedal heidersmedlem, artikkel i Setesdølen nr. 1, 2016, side 3
• Ole Birger Lien, Bjørgulv Straume heidersmedlem, artikkel i Setesdølen nr. 101, 2016, side 3
• Annbjørg Lien, Prosjektbeskrivelse Setesdalsfolk pr. mars 2022, i saksframstillinga til styremøte i Setesdal Regionråd 27. april 2022
• Leiarskifte i Setesdal Spelemannslag, stykke i Setesdølen nr. 29, 2023, side 3
• Artikkel om Landskappleiken 2026 til Hovden på Folkorg.no