Gunnar Lande

Gunnar Lande
Født:	13. juli 1897
Død:	20. august 1988 (91 år)

Gunnar Å. Lande (fødd 1897 i Bygland - død 1988) var folkehøgskulerektor, politikar (Venstre), målmann, lokalhistorikar, forfattar, felespelar, kappleikdommar og mykje anna. Han var lærar og rektor ved Søgne folkehøgskule i 40 år, frå 1924 til 1964. Han tok opptaket til Setesdal spelemannslag i 1930, og var den aller første formannen. Han sat i vervet i dei to første åra. På denne tida var han også leiar i Vest-Agder Ungdomslag. Han var fylkesleiar i Vest-Agder Venstre i nesten ti år like etter andre verdskrigen.

Gunnar var son til stortingsmann Åsulv Eivindsson Lande og kona Kjersti Lande. Han gifta seg med Aasta Lande, fødd Mølland. Dei fekk barna Åsulv Bergtor Lande, Øystein Lande og Agnes Lande Sangvik.

Forfattarskap

• Setesdal Spelemannslag 50 år. 1930-1980, 1981 (saman med Hallvard T. Bjørgum)
• Vest-Agder Ungdomslag gjennom 50 år, 1968

Heider

• Heidersmedlem i Noregs Unge Venstre
• Heidersmedlem i Setesdal spelemannslag

Kjelder

• eidsvollsmenn.no
• Gunnar Lande - ei venstrekjempe frå Bygland, artikkel på Venstre.no
• Gunnar Lande og Hallvard T. Bjørgum, Setesdal Spelemannslag 50 år. 1930-1980, 1981