Rosseland
Foto: Geir Daasvatn
Rosseland er ein gard (gnr. 49) rett aust for Evje og Evjemoen i Evje og Hornnes kommune. Nabogard i nord er Galteland, og i sør ligg Bjorå.
Historie
Gardar som har endinga -land reknar ein med kom i folkevandringstida, rundt år 400-600 e.Kr. Rosseland har ein gong vore ein mykje større gard enn han er i dag. Lokale historikarar trur at alle nabogardane Åmland, Kleggetveit, Kjebekk, Skjeggestad og Høgetveit ein gong kan ha høyrd til Rosseland. Garden har også har gjeve frå seg store areal til Verksmoen og Evjemoen. Fossvik ved Fennefossen, der den svære industriverksemda Evje nikkelverk låg i si tid, var plass under Rosseland.
Galtelandsteinen er ein meterhøg runestein som stod i Rosseland mark i 700 år. Rosselandseika står på garden sin grunn.
Kjelder
- Oddmund Mogstad, Gardsnamn i Evje, artikkel i Arnstein, 2008, s. 33-38
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, s. 68