Finndalen

Fra Setesdalswiki
Share/Save/Bookmark
Hopp til: navigasjon, søk
Fisstøylvatnet i Finndalen.
Foto: Valle kommune

Finndalen er eit dalføre som går i nord-sørleg retning mellom Valle i Setesdal og Fyresdal i Telemark, sør for Fylkesveg 45 mellom Rotemo og Dalen i Telemark. Høgda over havet er kring 690 meter rundt Fisstøylvatnet.[1] Gjennom Finndalen renn elva Finndøl, og lengst sør i dalen ligg det store Hovvatn-magasinet. Delar av Finndalen er såleis sett under vatn.

Historie[rediger]

Ein veit ut frå arkeologiske funn at områda rundt Hovvatn, Fisstøylvatnet og Raudvatnet i Finndalen må ha blitt utnytta meir eller mindre samanhangande frå eldre til yngre steinalder.[2] Ein veit også at det var fast busetnad i dalen frå folkevandringstida (400-500 e.Kr.) eller tidleg merovingartid (570-800 e.Kr.).[3] Segnet fortel at her levde både konge, prest og vanlege folk. Men noko kongssete har arkeologane enno ikkje funne. Svartedauden (1349-1350) og andre forhold gjorde at dalen etterkvart vart avfolka. Den siste faste busetnaden i dalen tok slutt i 1880-åra. Då gjekk heiegarden Torsdalen ut av historia. Men stølsdrifta heldt fram i mange år etter det. Finndalen var den viktigaste støls- og slåttedalen for bøndene i Valle.[4] Hovstøylane ved Hovvatn, Funnestøyl, Viki, Ækra, Gamasbø, Nyestøyl, Gjuvasstøylen og Fitstøyl var nokre av desse støylane. «Dei siste kyrne tusla heim or Finndalen så seint som i 1961», skriv Leonhard Jansen i eit stykke om Finndalen i Jol i Setesdal 2001.

Den kjende Bispevegen mellom Valle og Fyresdal gjekk gjennom Finndalen.

Kjelder[rediger]

Litteratur[rediger]

Eksterne lenker[rediger]

Referansar[rediger]

  1. Leonhard Jansen, Då det budde folk på heiane, stykke i Jol i Setesdal 2001, s. 20
  2. Leonhard Jansen og Alfred Ryningen, Valle kommune VII, Kultursoge 1, s. 22
  3. Vandringer i Setesdal Austhei, side 308
  4. Vandringer i Setesdal Austhei, side 308-310

Kart[rediger]

Laster kart...