Fylkesveg 450


Fylkesveg 450 (Fv-450) går mellom Ålgård i Gjesdal i Rogaland og Nomeland i Hylestad i Valle, samt mellom Rotemo i Valle og Ofte i Tokke i Telemark. Kommunane langs vegen marknadsfører han i turistsamanheng som Suleskarvegen.
Vegen startar like sør for Ålgård og går via Oltedal, Dirdal, Byrkjedal og Hunnedalen i Rogaland til Svartevatn i Sirdal i Agder. Der tek Brokke-Suleskarvegen over. Han går over heia og inn i Valle ved Håhellervatnet til Nomeland i Hylestad. Deretter har han felles trase med Riksveg 9 til Rotemo.
Vegen Rotemo–Telemark grense
Frå Rotemo er det ein samanhengande stigning i 6,5 kilometer til Veibråte (650 moh). Deretter går vegen vidare over Langemyr, forbi Brakamo, Øybuleite, opp gjennom Ugledalen, aust for Edan. Vegen krysser elva like nedanfor osen til Store Bjørnevatn. Så fylgjer den nordsida av vatnet forbi Bjørnevasshytta og når fylkesgrensa til Telemark ved Byttingsbekken. Då vegen var ferdig til offisielle opning i 1965, var vegen 5 meter brei og hadde møteplassar kvar 150 meter. Bruene var 6,5 meter breie. Største stigning var 1:12 og vegdekket var av grus.
Vinterstenging
Vegen er vinterstengt mellom Brokke i Hylestad og Suleskar i Sirdal, normalt frå 1. november til 20. mai.
Historie
Før 1. januar 2010 var Fylkesveg 450 riksveg. I 2019 blei Fylkesveg 975 (Vest-Agder), Fylkesveg 987 (Vest-Agder) og Fylkesveg 337 (Aust-Agder) del av vegen og nummeret på vegen blei endra frå 45 til 450.
Kjelder
- Den nye veien forbi Bjørnevasshytta. Artikkel i KOT Årbok 1963 side 74–75
- Artikkelen om Fv-450 på Wikipedia (bokmål), besøkt 2. november 2026