Evje og Hornnes Sogelag
Evje og Hornnes Sogelag vart skipa i 1986. Formålet til laget er å vekkje, auke og spreie interesse for lokal historie. Laget skal òg vere eit støttelag for Evje og Hornnes museum, Fennefoss.
Initiativtakarane til laget skal ha vore Olav Arne Kleveland og Eilert Hægeland. Eilert Hægeland var den første leiaren.
Laget har om lag 150 medlemmer og gjev ut årsskriftet Arnstein. Laget har og gjeve ut særskrifter. Kvart år arrangerer laget to turar der ein kan sjå nærare på stader av lokalhistorisk interesse. Den første turen er i regelen 2. pinsedag, medan den andre er på hausten. Alle som vil kan vere med på desse turane.
Styre
I 2013 var desse med i styret: Bernt Gautestad, Erik Kjebekk, Olav Kiland, Rita Flottorp og Eva Haugen Sørgaard.[1]
I 2014 gjekk Bernt Gautestad av som leiar etter mest 20 år, men fortset som styremedlem. Erik Kjebekk kom inn som ny leiar. Rita Flottorp takka for seg som sekretær etter åtte år. Inn som ny sekretær kom Anne Mari Hansen. Olav Kiland fortsatte som styremedlem og nestleiar. Eva Haugen Sørgaard fortsatte også som styremedlem.
Styret 2019: Erik Kjebekk, Olav Kiland, Ragnhild Robstad, Eva Haugen Sørgaard og Ivar Haugen.
Leiarar
- Erik Kjebekk 2014-
- Bernt Gautestad -2013
- Oddmund Mogstad 1992-
- Olav Arne Kleveland 1989-1991
- Eilert Hægeland 1986-1988
Hefter og bøker
Sogelaget har gjeve ut og har for sal desse hefta og bøkene:
- Olav Arne Kleveland, Flot nikkelgruve - Evje nikkelverk
- Olav Arne Kleveland, Gjennombrotet for arbeidarrørsla i Evje (hovudoppgåve i historie)
- Erik Kjebekk, Misjon og vekking i eit bygdesamfunn
- Erik Kjebekk, Haugerørsla i Evje og Hornnes
- Erik Kjebekk, Minne frå ei svunnen tid - historiske gløtt frå Evje og Hornnes
- Alf Georg Kjetså og Torgrim Dåsnes, Treskjeraren Salve Birkås
- Erik Kjebekk, Flatebygd - heimbygda mi
- Ellen Miøen Sæther, Lauvland - Fra nybrott til fritidsbruk
- Alf Georg Kjetså, Hornnes mi heimbygd (bok)
- Alf Georg Kjetså, Hornnes mi heimbygd - 2 (bok)
- Nils Dåsvatn, Barndomsminne frå Hornnesbygda
- Oddmund Mogstad, Lokalhistoriske perler. På tur med Oddmund Mogstad
Referanser
- ↑ Årsmøte i Evje og Hornnes sogelag. Artikkel i Setesdølen nr. 25, 2014 side 3