Hornnes mi heimbygd (bok)

Fra Setesdalswiki
Share/Save/Bookmark
Hopp til: navigasjon, søk
Framsida.

Hornnes mi heimbygd - «Hornnes herad» er ei biletbok med tekst frå gamle Hornnes kommune, frå Senum i nord til Hodne i sør. Ho kom ut i september 2017. Bilete og tekst er ved Alf Georg Kjetså. Dei fleste bileta har han teke sjølv. Nokre er henta frå den store biletsamlinga hans. Layout: Ronald Werner. Utgjevar er Evje og Hornnes Sogelag. Boka er trykt hos Setesdalstrykk. 146 sider. Ho er å få kjøpt mellom anna hos Norli Evje og Joker Dåsnes.

Alf Georg fekk sitt første fotoapparat i 1948. I 1957 køpte han seg eit nytt apparat av merke Agfa. Mange år etter det igjen kjøpte han seg eit Minolta fotoapparat, med utskiftbare objektiv. Han blei engasjert av bygdesogeskrivaren Olav O. Uleberg til å skaffe bilete til gards- og ættesoga for Hornnes. Slik starta livet som hobbyfotograf.

Boka byrjar med Hornnes kyrkje, ein stad som står heilt sentralt for alle som høyrer til gamle Hornnes kommune, og sluttar heilt i sør, på Hodne. Nær sagt alle krinkar og krokar av Hornnes er boka innom, med bilete og medfølgande tekst til kvart bilete. Spesielt mange bilete er det frå skulane i Hornnes, der Alf Georg hadde virket sitt i fleire årtider.

Kjelder[rediger]