Amalie gruve

Fra Setesdalswiki
Share/Save/Bookmark
Hopp til: navigasjon, søk

Amalie gruve er ei nedlagt kopargruve eit lite stykke aust for sørenden av Ramvatn i Straumsheia i Setesdal Austhei i Valle.

Amalie gruve aust for Ramvatn.
Amalie gruve aust for Ramvatn.
Amalie gruve aust for Ramvatn.

Gruva ligg på toppen av ein amfibolittås, omlag 790 moh. Dei koparførande pegmatittgangane er avdekka langt bortover i terrenget, med grøfter og skjeringar i ei lengde på 200 meter. I tillegg til grøftene, er det frå aust til midt i gruvefeltet skote ut ein stoll som går vidare gjennom ein slepesynk og opp til ei skjering.[1] Pegmatitten i gruva inneheld hovudsakleg feltspat med litt kvarts, litt muskovittglimmer og noko granat. Koparmalmen her er koparglans med litt brokut kopar (bornitt).




Gruva er ein del av eit større gruvefelt, Straumsgruvene, i området rundt nordenden av Straumsfjorden. Fleire dreiv etter kopar her, frå midt på 1600-talet til rundt 1850. Amalie gruve kom i drift då Det Sæthersdalske Kobberværk starta stor gruvedrift i Straumsheia, med smeltehytte i Åraksbø i Bygland, i åra 1845-1850.



Kjelder/litteratur[rediger]

Referansar[rediger]

  1. Sigmund Monen, Frå gamle gruvetradisjonar i Setesdal til arbeidarkultur i Evje, utgjeve av Evje og Hornnes kommune, 2016, side 75





Kart[rediger]

Laster kart...