Botsvatn

Delvis nedtappa Botsvatn. Til høgre Nordbygdi/Tveiti

Foto: Reidar Tveito

Nesland ved Botsvatn før oppdemminga.

Foto: Folke Nesland

Måleri med motiv frå Botsvatn, måla av Karl Ludwig Endresen

Botsvatn er ein omlag 14 kilometer lang innsjø i Bykle kommune i Aust-Agder. Den inste (vestlege) delen av vatnet og gardane der vert kalla Botnen. Namnet på vatnet skal referere seg til dette.

Vatnet er regulert mellom 551 og 491 moh., og er inntaksmagasin for Brokke kraftverk. Frå Botsvatn renn vatnet gjennom ein 31 km lang tunnel til Brokke kraftstasjon i Hylestad i Valle. Ved Botsvatn ligg også Holen kraftverk og Skarg kraftverk.

Den første konsesjonen til regulering av Botsvatn kom i 1912, og gav løyve til å regulere vatnet med 10 meter. Utbyggaren valde å gå ned 8 meter i staden for å demme opp. Då Brokke 1 skulle byggast ut på byrjinga av 1960-talet, blei Botsvatn senka nye 9 meter. Dammen i austre enden av Botsvatn som regulerer vatnet i dag vart bygd i 1975-1976 (Brokke II). 25 gardsbruk og andre plassar vart lagde under vatn.

Kjelder

• Johs. Bjørkeli, Bossvatn i Bykle: Minner om ei tid som var - på bunnen av et kraftmagasin, artikkel i God Helg, Fædrelandsvennens lørdagsmagasin, 25. juli 2015
• Om Brokke kraftverk på nettsida til Agder Energi
• Olav Bø, Setesdal – frå utkantbygder til kraftsentrum, Det Norske Samlaget, 1991, side 154-155

Referansar

<References>

Kart

Laster kart ...