Vikstøl
Vikstøl er ein fråflytta heiegard (gnr. 67) ved Vikstølvatnet nord-aust i Evje og Hornnes. Det var tre hovudbruk i garden, Grova (bnr. 3), ukjent bruksnamn (bnr. 1) og Blomekra (bnr. 4).[1] I dag er bygningane på garden nytta til fritidsbustader. Den private Vikstølvegen går frå Gautestadvegen ved Prestøygardsvatnet og inn til garden.
Historie
Gardsnamn som endar på -støl, meiner ein ikkje er eldre enn frå kristen mellomalder, frå 1100- til 1200-talet.[2] [3] Vikstøl er såleis mellom dei yngre gardane i kommunen. Han har mykje truleg gått ut frå Kleveland i si tid.[4] Garden vart liggjande øyde under Svartedauden. Rundt 1610 er det kome busetnad der igjen.
Nils Bergtorson og Anne Knutsdotter budde på Vikstøl i 1801. Dei var felles tippoldeforeldre til statsministerane Jørgen Løvland og Gunnar Knudsen.[5]
Referansar
- ↑ Lokalhistoriske perler. På tur med Oddmund Mogstad, utgjeve av Evje og Hornnes Sogelag, 2018, side 97-99
- ↑ Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 65
- ↑ Oddmund Mogstad, Gardsnamn i Evje, artikkel i Arnstein 2008, side 33
- ↑ Gardsnamn i Evje, side 36
- ↑ Lokalhistoriske perler, side 99