Ingvard Østerhus
Ingvard Østerhus![]() | ||
---|---|---|
![]() | ||
Ingvard 6. mars 2023. Foto: Geir Daasvatn
| ||
Født: | 31. oktober 1933 (91 år) |
Ingvard Østerhus (fødd 31. oktober 1933) er pensjonert lærar og busett i Evjevegen på Evje.
Ingvard tok eksamen ved Kristiansand lærarskule i 1957. Han er adjunkt med faga engelsk, norsk og spesialpedagogikk. Han var lærar ved Bjørheimsbygd framhaldsskule, Strand (1957–1958), Hidra framhaldsskule (1958–1964), Søgne ungdomsskule (1965–1965) og Fiskå ungdomsskule (1965–1971).
1. august 1971 vart Ingvard Østerhus tilsett som rektor ved Evje ungdomsskule. Han vart i stillinga i 16 år, til 31. juli 1987. Etter det var han rektor ved Evje barneskule frå 1. august 1987 til han gjekk av med pensjon i 2001.
Etter at han vart pensjonist, har han vore sterkt engasjert i arbeidet i Eldrerådet i Evje og Hornnes og i Evje og Hornnes pensjonistforening. I Eldrerådet har han vore leiar frå 2003. Pensjonistforeninga kom han med i 2002. Her har han vore både sekretær og nestleiar, og fått i gang gågruppe. Måndag 6. mars 2023 vart han tildelt Pensjonistforbundet sitt heidersbevis for innsats gjennom mange år i Pensjonistforeninga.
Ut over dette er Ingvard skribent og referent i Setesdølen. Eit spesielt langvarig frivillig arbeid er engasjementet hans for kyrkebladet. Først var han med i redaksjonen av Ljosglimt i Evje og Hornnes i 50 år. ETter det var han med dei første åra etter at Evje og Hornnes og Åseral gjekk saman om eit felles kyrkeblad frå 2020. Til saman hadde han då 53 år med frivillig innsats i redaksjonsnemnda.
Kjelder
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, s. 471–472
- Geir Daasvatn, til stades under jubileumsfesten til Evje og Hornnes pensjonistforening på Evjeheimen 6. mars 2023, dokumentert med bilete
- Inger Juvastøl, Ingvard Østerhus: 53 år med frivillig innsats for kyrkeblada, artikkel i Kyrkebladet for Åseral, Evje og Hornnes nr. 4, 2024, side 10–11