Bjorå
Foto: Geir Daasvatn
Foto: Geir Daasvatn
Bjorå er ein gard (gnr. 42) på austsida av Breiflå og Otra sør i Evje og Hornnes kommune. Mot sør grensar garden til Klepp. I nord grensar han til Rosseland. Garden ligg ved osen av Bjorå (Bjoråna). Elva har namn etter dyret bjor (bever). Seinare fekk så garden namn etter bekken. Ein reknar Bjorå for å vere ein av dei eldste gardane i Evje og Hornnes.
Under husa til J. T. Greibrokk på Bjorå vart det funne fleire vikinggraver i 1941. Det blei mellom anna funne ei stridsøks. Funna er daterte til sein vikingtid, rundt år 1000.
Ein ikkje liten del av marka til Evjemoen militærleir vart avstått frå Bjorå-garden. Mellom dei grunneigarane som selde mark til staten var ordførar i Evje kommune, Eirik Bjoraa.
På Bjorå låg Bjoraa Gartneri.
Kjelder
- Olav O. Uleberg og Olav Arne Kleveland, Kultursoge for Evje og Hornnes, band II, utgjeve av Evje og Hornnes bygdeboknemnd, 2003, side 123-124
- Oddmund Mogstad, Gardsnamn i Evje, Arnstein 2008, s. 34
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemnd, 1990, side 63