Lie (Evje og Hornnes gnr. 21)
Lie (Evje og Hornnes gnr. 21) er ein gard på heia vest for Moisund i Hornnes, sør-vest i Evje og Hornnes kommune. Ein kjem dit ved å følge Fylkesveg 301 (Abusdalsvegen) vestover frå Riksveg 9 til Tønnesland, og derfrå Fjellestadvegen nordover til garden. Fer ein nokre hundre meter vidare forbi Lie, kjem ein til nabogarden Fjellestad litt høgare oppe i heia. Frå Lie er det eit vidt utsyn austover mot Hannåsfeltet.
Historie
I gards- og ættesoga for Hornnes meiner Olav O. Uleberg at Lie og nabogarden Fjellestad ikkje er mellom dei aller eldste i Hornnes, og trur dei kanskje er frå 1200-talet. Men seinare har andre gardkjennarar kome til at Fjellestad truleg kan vere frå tidsromet 700-1000 e.Kr. Då vil nok det same mest sannsynleg også gjelde for Lie.
Det står eit gamalt stabbur i garden, på bnr. 2, tidfesta til 1600-talet, første halvdel.
Kjelder
- Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, side 478-486
- Gardskart på nett
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 65-67
- Om det gamle stabburet i SEFRAK-registeret