Onsdagssending i Valle Radio 20110907
Valle Radio 7. september 2011 er sida som fortel om programmet i Valle Radio onsdag 7. september 2011. Dette programmet var valsending ved Ørnulf Hasla og Ole Birger Lien. Jørund Georg Jore var teknikar og Harald Haugland las spørsmål som kom inn frå lyttarane.
I panelet er desse med:
- Ann Christin Jacob og Sissel Åkre, Venstre
- Tarald Myrum og Astrid Kyte, Senterpartiet
- Frode Verpe og Nina Susanne Johnnsen, Høgre
- Steinar Kyrvestad og Hanne Tangerås Straue, Arbeiderpartiet
- Bjørgulv T. Berg, Kristelig Folkeparti
Programmet starta med ein introduksjon frå Ørnulf Hasla før han gav ordet over Ole Birger Lien, som starta med ein generell runde om kva ordførarkandidatane hadde å seie om å stille til ordførar, nokre gamle og nokre nye. Deretter var det musikk: Stay with me.
Ved starten var det 15 personar i salen.
- Tellef Inge Mørland, Ap sin fylkesordførarkandidat vart intervjua av Ørnulf Hasla (opptak)
Debatten
Skulesaka
Første tema var skulesaka, og Ole Birger Lien spurte Ann Christin Jacob om nedlegging av Hylestad skule. Ho hadde fem korte punkt om dette. Bjørgulv T. Berg var den første som kommenterte det. Deretter var Steinar Kyrvestad, Tarald Myrum, Astrid Kyte, Sissel Åkre, Frode Verpe, Hanne Straume.
Frå salen stilla Magnhild Bø spørsmål om privatskule til Frode Verpe som ville starte ein slik om det vart samling av småskulen i Hylestad. Han svara at han stilla som Høgre-politikar og dei hadde ikkje noko krav om det. Bjørgulv T. Berg heldt spørsmålet ope, Steinar Kyrvestad, som var einaste i panelet som har vore aktiv i den siste perioden. Astri Kyte var sterkt usamd med Steinar Kyrvestad, Frode Verpe kommenterte hans utsagn, sidan sist kommuneval er det lagt ned 180 grendeskular, ein femtedel av skulane er reetablert som privatskular. Ann Christin Jacob meinte at grenda ville ha mange andre forhold som hadde kvalitet. Nina Johnsen presiserte at Høgre har programfesta to skular, Bjørgulv T. Berg og Steinar Kyrvestad kommenterte og dette i debatten. Han tok og opp spørsmålet om barnehagane, der det blir færre førskulelærarar og fleire assistentar.
Andre tema som var oppe i denne delen var tilflytting, fulle stillingar for lærarar, SFO.
Eit innspel frå publikum var Til ann christin ser du ikkje at dette er ein død sak!. Eit klart svar frå henne var at det såg ho ikkje.
Det var ein levande debatt, og ikkje råd å få med alle fasettar her.