Rosseland

Rosseland er ein gard rett aust for Evje og Evjemoen i Evje og Hornnes kommune. Nabogard i nord er Galteland, og i sør ligg Bjorå.

Gardar som har endinga -land reknar ein med kom rundt år 500 e. Kr. Rosseland har gjeve frå seg store areal til Verksmoen og Evjemoen. Fossvik ved Fennefossen, der den svære industriverksemda Evje nikkelverk låg i si tid, var plass under Rosseland.

Galtelandsteinen er ein meterhøg runestein som stod i Rosseland mark i 700 år.

Kjelder

• Oddmund Mogstad, Gardsnamn i Evje, artikkel i Arnstein, 2008, s. 33-38
• Olav O. Uleberg, Kultursoge for Evje og Hornnes, band I, utgjeven av Evje og Hornnes bygdeboknemd, 1990, s. 68