Smaken av Setesdal

Smaken av Setesdal er eit prosjekt som Setesdal Regionråd etablerte i 2010 for å setje fokus på «kortreist mat», kvalitet, lokal foredling og verdiskaping. Målet var å gjere Setesdal til eit reisemål for mat og matopplevingar.

Hausten 2013 vart prosjektet gjort om til eit samvirketiltak. Smaken av Setesdal har no (2015) 16 medlemmer, plasserte rundt omkring i heile distriktet. Prosjektleiar er Øyvind Nese. Kontoret ligg i Sentrumsbygget midt i Evje sentrum.

15. juni 2015 opna samvirket også gardsbutikk med sal av lokal mat i Sentrumsbygget. Christine Haddeland frå Høgetveit i Evje er tilsett som butikksjef.

Hefte

For å presentere prosjektet laga ein i 2011 eit hefte der ein presenterte nokre av dei som produserer nisjeprodukt i Setesdal:

1. Hodne gard
2. Karen Marie og Gunnar Wikstøl (Engheim gard)
3. Bjellås Bigård
4. Jordbærfestivalen
5. Tine Meieriet Setesdal
6. Matmarknaden på Ose og Ose Mat og Kultur
7. Bergtun
8. Tytingen
9. Wenche og Sjur Høgetveit
10. Bykle Hotell
11. Fjellgarden Hovden
12. Bjåen turisthytte
13. Bjåen Fjellstove
14. Brokkestøylen
15. Tone Austad og Arne Bjørgum
16. Sigrid Nersten Lunden og Dagfinn Lunden
17. Mari Rygg
18. Mikkjel Skjevrak
19. Ose Turistheim
20. Bjoraa Aquaponics
21. Setesdalsgildet

Kjelder

• Smaken av Setesdal 2011
• Setesdølen nr. 50, 2015

Eksterne lenker

• Om prosjektet hos Setesdal Regionråd
• Heimesida til Smaken av Setesdal