Smaken av Setesdal
Smaken av Setesdal er eit prosjekt som Setesdal Regionråd etablerte i 2010 for å setje fokus på «kortreist mat», kvalitet, lokal foredling og verdiskaping. Målet var å gjere Setesdal til eit reisemål for mat og matopplevingar.
Hausten 2013 vart prosjektet gjort om til eit samvirketiltak (SA). Smaken av Setesdal hadde i 2015 16 medlemmer, plasserte rundt omkring i heile distriktet. Prosjektleiar var Øyvind Nese. Kontoret låg i Sentrumsbygget midt i Evje sentrum.
15. juni 2015 opna samvirket også gardsbutikk med sal av lokal mat i Sentrumsbygget. Christine Haddeland frå Høgetveit i Evje var tilsett som butikksjef. Butikken blei nedlagt ei tid seinare.
I 2022 blei samvirketiltaket (SA) oppløyst. Merkevara Smaken av Setesdal er overtatt av Setesdal Regionråd, og eksisterar vidare i ei anna driftsform.
Hefte
For å presentere prosjektet laga ein i 2011 eit hefte der ein presenterte nokre av dei som produserer nisjeprodukt i Setesdal:
- Hodne gard
- Karen Marie og Gunnar Wikstøl (Engheim gard)
- Bjellås Bigård
- Jordbærfestivalen
- Tine Meieriet Setesdal
- Matmarknaden på Ose og Ose Mat og Kultur
- Bergtun
- Tytingen
- Wenche og Sjur Høgetveit
- Bykle Hotell
- Fjellgarden Hovden
- Bjåen Turisthytte
- Bjåen Fjellstove
- Brokkestøylen
- Tone Austad og Arne Bjørgum
- Sigrid Nersten Lunden og Dagfinn Lunden
- Mari Rygg
- Mikkjel Skjevrak
- Ose Turistheim
- Bjoraa Aquaponics
- Setesdalsgildet
Kjelder
- Smaken av Setesdal 2011
- Setesdølen nr. 50, 2015
- Olav Åsen Haugsgjerd, Regionrådet overtar merkevara, artikkel i Setesdølen nr. 52, 2022, side 12