Viki (Valle gnr 44)
Viki er ein gard (Valle gnr. 44) sentralt i Vallebygda. Garden ligg nord for Rike og grenser til Kyrvestad i nord. Vikevegen går frå Nordibøvegen inn til husa i garden. Det er fire hovudbruk i garden, Innistog, Oppistog, Systog og Nistog.
Historie
Garden er tvillaust nokså gamal, skriv Alfred Ryningen i Gards- og ættesoga for Valle.[1] Busetnaden i Valle skal gå tilbake til dei første hundreåra av vår tidsrekning. Viki er truleg ein av dei eldre verestadane. I ei hovudoppgåve har Sigrid Bø peika ut Viki som opphavsgarden i Valle sokn.[2] Garden har vore fullgard, minst fire huder, så langt tilbake i tida som kjeldene går.
Viki-bøndene hadde kvernhusa sine i Vikebekk som renn mellom Viki og Kyrvestad.[3] Støylane var i Stavedalen, på Midtfjøddi og på Håvestøyl i Finndalen. Støylsdrifta på Viki tok slutt ikke lenge etter 2. verdskrigen.[4]
Litteratur
- Alfred Ryningen, Valle kommune IV Gards- og ættesoge Valle, utgjeve av Valle kommune, 1987, side 235–306
Referansar
- ↑ Alfred Ryningen, Valle kommune IV Gards- og ættesoge Valle, utgjeve av Valle kommune, 1987, side 235
- ↑ Sigrid Bø, Landtal, leidang og agrarkrise, hovudoppgåve i historie
- ↑ Valle IV side 238
- ↑ Valle IV, side 242