Ola Songesand
| Ola Songesand | ||
|---|---|---|
| Født: | 1779 | |
| Død: | 1858 (alder 78–79) | |
Ola Olsen Songesand (fødd 1779 i Stavanger, død 1858) var ein kremmar og eventyrar frå Lysefjorden i Rogaland. Han er truleg mest kjend som «Pilt-Ola».
I 1817 fekk Ola Songesand stønad frå Norges Vel til å starte opp med reindrift i områda mellom Suldal i Rogaland og Vatnedalen i Bykle i Setesdal. I 1819 skal han ha kome heilt til Kristiansand med 150 rein.[1]
Rundt 1823 var Ola Songesand i Straumsheia i Hylestad i Valle. Han visste om at Peder Lind hadde drive etter koparmalm i Straumsheia i tida mellom 1660 og 1680. Kanskje var han på leiting etter den vidgjetne Sølvgruva på Straume? Ola fann ikkje sølv, men heile haugane av utbroten koparmalm. Ved Stavesvatn, mellom Amalie gruve og Kong Oscars gruve, bygde han ein liten smelteomn. Her klarte han med mykje strev å smelte ut ca. 150 kg med kopar. Koparen selde han seinare til konsul Reinhardt i Kristiansand. Konsul Reinhardt muta etter det mange skjerp i Straumsheia, og starta Det Sæthersdalske Kobberværk 20 år seinare.[2]
Kjelder og litteratur
Referansar
- ↑ Kjell Bitustøyl, Tamreindrifta i Setesdalsheiane, utgjeve av Bokbyen Forlag, 2017, side 16-19
- ↑ Sigmund Monen, Frå gamle gruvetradisjonar i Setesdal til arbeidarkultur i Evje, utgjeve av Evje og Hornnes kommune, 2016, side 48-49