Juvassdammen

Fra Setesdalswiki
Share/Save/Bookmark
Hopp til: navigasjon, søk
Juvassdammen juni 2016.
Den mindre spektakulære, men lengre dam nr. 2 i sørenden av Juvatn.
Foto: Geir Daasvatn

Juvassdammen er ein 46 meter høg betongkvelvdam i sørenden av Juvatn i Lognavassdraget i Åseral. Eigentleg er det to dammar her, den høge Juvassdammen og ein lågare, men lengre platedam i betong rett vest for hovuddammen. Dei to dammane demmer opp Juvatn til magasin for Logna kraftverk ved Lognavatn. Magasinet kan romme heile 142 millionar kubikkmeter vatn.

Juvassdammen er ein turistattraksjon i Åseral. Ein kan kome dit ved å følge Fv-351 mot Bortelid til Åknes, deretter Austegardvegen mot Austegard og Espelid, og til slutt Juvassvegen inn til dammen.

Historie[rediger]

Løyve til å bygge ut Lognavassdraget blei gitt ved kronprinsregenten sin resolusjon dagsett 9. desember 1955. Ein av hovudgrunnane til oppdemminga var å skaffe vatn vinterstid til det nybygde Håverstad kraftverk lenger nede i Mandalselva. Den bakomliggjande grunnen skal ha vore å skaffe meir straum til den kraftkrevjande industrien i Kristiansand, mellom anna Fiskaa Verk.

Ein starta opp med å bygge veg og bruer frå Austegard til Juvatn i 1955. Bygginga av sjølve dammen starta i 1956. Han stod ferdig i 1958. På det tidspunktet skal han ha vore den høgaste dammen i sitt slag i Nord-Europa. Hovudentreprenør var firmaet Betongbygg frå Kristiansand. Kort tid etter at Juvassdammen var bygd, stod også Logna kraftverk ferdig.

Kjelder[rediger]

Kart[rediger]

Laster kart...