Hylje (ord og uttrykk)

Hylje stammar truleg frå det gamalnorske hankjønnsordet hylr, og tyder vasskulp, ei stillevetne i bekk eller elv.

I området der gardane Bjørgum, Haugen og Hovet i dag ligg, på austsida av Otra i Hylestad i Valle, låg Hylje prestegard. Denne garden gav namnet til soknet Hylestad. Ordet Hylje går også igjen som førsteledd i namn som til dømes Hyljebrokke i Valle og Hyljebakken i Bykle.

Kjelder

• Alfred Ryningen, Valle kommune II Gards- og ættesoge Hylestad, utgjeve av Valle kommune, 1985, side 7-8
• Leonhard Jansen, Hylestad kyrkje 150 år, jubileumsskrift, 1989, side 12