Bygland husflidslag
Bygland husflidslag er husflidslaget i Bygland og vart skipa i 7. mars 1963. Laget arrangerar årleg jolemarknad, nokre kurs, strikkekafear og ulike aktivitetar. Laget sitt største arrangement er Lislefarmen, som vert arrangert på Bygland tun tidleg i september. Eit anna storarrangement er joleverkstad på Ose grendehus, som 27. november 2010 vart vitja av 300 menneske.[1]
Aktivitetar
2012-2013
Bygland husflidslag vil gå vidare med strikkekafe på Tappen kvar 2. og 4. torsdag, Lislefarmen kjem 9. september og joleverkstaden på Ose 2. desember. Strikka sokkar som ein del av velkomstpakka til nyfødde byglendingar og vidare arbeid med forprosjektet for Lusekoftesenteret.
Lusekofte-workshop 14. mars 2013 var ei slik vidareføring av arbeidet.
2011-2012
Husflidslaget fortel i si årsmelding om eit stabilt medlemstal dei siste åra, laget har ca 40 medlemmar og av desse er 10 born. Årsmøtet vart halde på Setesdal Bunadsenter på Neset Camping. Laget hadde fleire aktivitetar, så som
- Lislefarmen 4. september med tema «Gards- og støylsdrift i gamle dagar». Trass i eit forferdelig vær kom ca 300 innom. På førehand var det dugnad for sauming av forkle til stakken.
- Joleverkstad 1. sundag i advent, og dit hadde Annemor Sundbø teke med med rokken, og frå Valle kom felespelaren Jamie Lodberg. Oppslutninga var bra.
- Strikkekafear: Kvar torsdag fram til sumaren på Tappen, og etter ferien har det kvar 2. og 4. torsdag. Her er det fleire som strikkar sokkar som skal vere gåve til nyfødde i kommunen via helsesyster.
- Besøk frå Husfliden i Valle, som viste og snakka om broderi på gamle stakkar og selde garn. Omkring 30 var til stades.
- I mai var det tur til Valle saman med Bygland frivilligsentral for å besøke Hasla og Husfliden.
- Kursverksemd:
- Karding og spinning, lærar var Annemor Sundbø.
- Montering av Setesdalsgenser med broderi, i samarbeid med Setesdal Bunadsenter.
- Veving av hårband og belte til kvinnebunaden frå Setesdal. Lærar May-Lis Flateland.
- Grautkuptekurs, åtte deltakarar for lærar Solveig Ose.
Laget er også engasjera i arbeidet med å oppretta eit Lusekoftesenter i dalen. Signe Sollien Haugå, Annemor Sundbø og Bygland kommune er samarbeidspartnarar i prosessen.
Styrer
2012-2013
- Leiar Birgit Aakhus
- Skrivar Liv Flatebø
- Kasserar Solveig Ose
- Studieleiar ...
- Styremedlem Christina Ahlsrød Besteland
- Styremedlem Solveig Landelius
Varamedlemmar: Elin Kvaale Hansen, Signe Arneberg og Signe Sollien Haugå
2011-2012
- Leiar Signe Sollien Haugå
- Skrivar Signe Arneberg
- Kasserar Solveig N. Ose
- Studieleiar Birgit Aakhus
- Styremedlem Arna Bakke
- Styremedlem Christina A. Besteland
Varamedlemmar: Elin Kvaale Hansen og Solveig Landelius
Referansar
- ↑ Helene Horverak: Koseleg juleverkstad på Ose. Artikkel i Setesdølen nr. 98, 2010 side 12.