Hasla

Fra Setesdalswiki
Share/Save/Bookmark
Hopp til: navigasjon, søk
Lokala i Valle sentrum
Foto: Siri Johannessen

Hasla er ei sølvsmedverksemd med 15 tilsette i Valle i Setesdal. Hasla vart etablert i 1982 under namnet «Hasla Setesdalssylv» i kjellerstova til Grete Fossen og Ørnulf Hasla. Men verksemda vaks fort og måtte alt i 1984 flytte til Valle sentrum der firmaet opna 8. desember i 1984. Då hadde Ørnulf Hasla hogd kvar stokk til å lafte sølvsmia i Valle sentrum. På denne tida hadde dei ikkje råd til stoler rundt matbordet, så Johans Nomeland, som dreiv matbutikken etter Sverre Lund, lånte dei bruskassar til å sitte på. I 1996 vart taket på dette bygget fjerna, dei bygde på ein ny etasje og ny verkstad bakover. Det er det same bygget Hasla har i dag på 400 kvadrat.

Verksemda arbeider med sølv til bunad, men nesten 40% av produksjonen går til eksport, mellom anna til Epcot-senteret i Florida. Ein har mange lærlinger og lærer opp unge i sølvsmedfaget. Gjennom samarbeid med Valle vidaregåande skule si linje for utdanning av sølvsmedar har Hasla god tilgang på lærlingar.

I 2007 lanserte Hasla kolleksjonen Cross my heart etter eit samarbeid med industridesignar Cathinka Dysthe. Det var første gong ein industridesignar designa smykke. I 2010 opna Hasla butikken Hasla Markveien i Oslo.

Merkevarebygging[rediger]

Hasla har vore oppteken av merkevarebygging og leverte difor søljer til «Team Tuva» i Det store korslaget på TV2 i 2010. Hasla har vore medviten om å bruke nynorsk i marknadsføringa si. På Setesdalskonferansen 2011 vart det presentert ein film om Hasla.

Priser[rediger]

Hasla har fått:

Eksterne lenker[rediger]