Neset Camping
Neset Camping ligg ved Riksveg 9 mellom Byglandsfjord og Grendi i Bygland kommune. Campingplassen er ein roleg 4-stjerners campingplass. Svært mange stamgjester har campingvogn ståande på Neset Camping heile året. År om anna har campingplassen 30–40.000 gjestedøgn. Sommaren 2021 var det rekordbesøk, då det somme døgn i slutten av juli var godt over 1.000 overnattingsgjestar.[1]
Tilbodet
Campingplassen har 31 campinghytter og 200 straumuttak. I 2011 vart sanitæranlegget totalrenovert. Bare tre av hyttene har dusj og toalett, dei andre må nytte det felles sanitæranlegget. Hyttene er i ulike storleikar, med mellom fire og åtte sengeplassar. Det er gode leiketilbod til barna, leikeplass, stor hoppepute, badestrand, båtutleie og vanntrampoline kan skape ein en aktiv ferie for små og store. I sentralbygget er det både gatekjøkken og kafé med alle rettar, her er og kolonialbutikk og resepsjon.
I sesongen arrangerer Neset Camping elgsafari fleire gonger i veka. Fleire turløyper er haldne ved like av eigaren av campingplassen, Olav Neset. Både Tjovehedderen turløype til Tjovehedderen og Årdalsknapen turløype til Årdalsknapen er nytta av mange av gjestene på campingplassen.
På området ligg og Setesdal Bunadsenter.
Heider
I januar 2015 fekk han Wohlgefühlplatz-Award des Euro Motorhome Clubs på CMT i Stuttgart.[2]
Kjelder
Eksterne lenker
Referanser
- ↑ [[Sigurd Haugsgjerd, Hadde fleire gjestar enn det er folk i Bygland, artikkel i Setesdølen nr. 60, 2021, side 9
- ↑ Varaordførar fekk internasjonal pris. Artikkel i Setesdølen nr. 7, 2015 side 11