Axel Sigfred Leween
| Axel Sigfred Leween | ||
|---|---|---|
| Født: | 18. februar 1875 | |
| Død: | 16. januar 1946 (70 år) | |
Axel Sigfred Leween (fødd 18. februar 1875, død 16. januar 1946) var handelsmann og lokalpolitikar for Arbeidarpartiet i Hornnes.
Leween kom opphaveleg frå Vestergøtland i Sverige. Han kom til Noreg som anleggsarbeidar i 1894. Han etablerte seg som landhandlar på Moisund i Hornnes i 1909. Her blei han gift med Mari G. Leween (fødd Vetrhus).
Axel Leween kom med i heradstyret i Hornnes kommune i 1908. Med unnatak for åra 1920-1922 sat han i heradstyret til han døydde i 1946. Han var varaordførar 1917-1919, og orførar i to periodar frå 1935. Utanom dette hadde han dei fleste andre kommunale tillitsverv.
Olaf Kallhovd, ein annan markant lokalpolitikar i Hornnes, har skrive slik om Axel Leween sin store innsats som lokalpolitikar i Hornnes: - Det var jamn framgang på nær sagd alle umkverve i hans ordførartid... Ved dugleik og rettvise vann han vyrdnad og tiltru hjå alle parti, og dette gjorde mykje til at partistriden i denne tidi var mindre krass.
Kjelder
- Olav O. Uleberg og Olav Arne Kleveland, Kultursoge for Evje og Hornnes, band II, utgjeve av Evje og Hornnes bygdeboknemd, 2003, s. 431 og 441
- Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, s. 532