Evje ungdomsskule
Evje ungdomsskule er ungdomsskule for heile Evje og Hornnes kommune. Skulen ligg på Sindremoen, om lag ein km nord for Evje sentrum, på same staden som Evje barneskule. Skulen har 136 elevar frå 8. - 10. trinn. Det er rundt 20 tilsette ved skulen. Rektor og leiar for skulen for tida (2014) er Kjell Hansen.
Byggearbeida på dagens skulebygningar starta i desember 1962. Hovudbygget, klasserom og rom for administrasjonen, var ferdig til bruk i oktober 1963. Andre byggesteget, spesialromsfløyen og tannklinikken, kunne takast i bruk til skulestarten hausten 1964. Til sist kom gymnastikkbygget og symjehallen, som ungdomsskulen brukar saman med barneskulen. Symjehallen var klart til bruk først utpå nyåret 1966.
Det er planar om ein ny fleirbrukshall ved skulane. Hallen skal erstatte den gamle gymnastikksalen, som ikkje lenger tilfredsstiller krava til slike bygg i dag.
Tilsette
Kjelder
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, s. 448 flg. Omtalen av skulen i Evje og Hornnes etter 1960 er skriven av Torgrim Dåsnes.