Åmland (Evje og Hornnes gnr. 48)
.jpg){kind=link}
Åmland er ein gard (gnr. 48) og ei lita grend i Evje og Hornnes. Grenda ligg sør for Fylkesveg 42 (Arendalsvegen), ca 3,5 kilometer aust for Evje sentrum og litt opp i terrenget i forhold til dalbotnen langs Otra.
Bjønnækra feltspatgruve, som i si tid var ei av dei største gruvene i Evje, låg på Åmland.
Historie
Nabogardane Høgetveit, Kleggetveit og Skjeggestad er truleg ein gong utskilde frå Åmland. Høgetveit-garden er truleg eldre enn Svartedauden. Åmland er såleis ein del eldre enn dette. Men det er ikkje urimeleg å tenke seg, heiter det i Kultursoga for Evje og Hornnes, at alle desse gardane er yngre enn den meir sentrale garden Rosseland, og kanskje utskilde frå denne. Åmland stammar nok difor frå folkevandringstid, men då altså noko seinare enn Rosseland.
Kjelder
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 64-69