Likkvile Stemmen Jordalsvatn
Foto: Geir Daasvatn
Likkvile Stemmen Jordalsvatn er ei likkvile rett sør for den gamle stemmen for Jordalsvatn aust for Jordalsbø i Bygland. Etter segna skal det vere likkvila til Jørund Gunnarson Kvåle. Jørund døydde under ein tur til Tovdal, truleg i 1670-åra. Likkvila ligg langs den gamle ridevegen Jordalsbø - Øy - Tovdal. Dei skal ha lagt henne den stunda dei kvilte då dei bar Jørund heim til Bygland.
Likkvila er lita, bare 1,5 meter lang og 10-20 cm brei. I tillegg kom hovudet, som låg på hovudsteinen. Det skal ha gått gjetord om at Jørund var uvanleg liten av vekst.
Om segna talar sant, og likkvila verkeleg er etter Jørund Kvåle, veit ein ikkje sikkert.
Kjelder
- Torfinn Normann Hageland, Stå i stein - Brudled, likkviler, varp og andre steinsetjingar på Agder og i Rogaland, Commentum Forlag, 2013, side 23 og side 125–126
- Reidar Vollen, Bygland gard og ætt, bind VII, utgjeve av Bygland kommune, 2012, side 235
- Kulturminnesøk.no
- Oddmund Mogstad, Likkviler og andre steinsettingar i samband med desse, artikkel i Agder Historielag sitt Årsskrift nr. 81, 2005, side 205–210