Skråsjakta (Flåt)
Skråsjakta (Alfred Merrys sjakt) var ei slepesjakt i Gamlegruva i Flåt nikkelgruve i Flatebygd i Evje. Ho gjekk frå dagen på skrå nedover i fjellet langs malmsona i 45 graders vinkel til 183 meters djup. Der starta seinare Nygruva.[1]
Ut til sidene frå skråsjakta blei det lagt sidegangar (feltorter) i etasjar nedover med ca. 40 meters mellomrom.[2]
Heistårnet oppe på overflata var 18 meter høgt. Eit svært hjul på toppen av tårnet blei drege av ei 1666 meter lang ståltrådline som gjekk til eit vasshjul under Oddefossen. Skråsynken hadde dobbeltspora jernbane, slik at ei vogn kunne gå opp medan ei gjekk ned.[3]
Referansar
- ↑ Sigmund Monen, Flåt nikkelgruver og bygda. Arbeidarhistorie, utgjeve av Evje og Hornnes kommune, 2016, side 46
- ↑ Olav O. Uleberg og Olav Arne Kleveland, Kultursoge for Evje og Hornnes, band II, utgjeve av Evje og Hornnes bygdeboknemd, 2003, side 46
- ↑ Evje og Hornnes kommune, plakat/oppslag i gruveområdet