Evje nikkelverk

Evje nikkelverk var eit smelteverk på Evje for nikkelmalm frå Flåt gruve i Mykleåsen i Flatebygd. Verket var med eit par avbrekk i drift frå 1873 til 1946.

Første eigar var Evje Nikkelverk IS. I juni 1873 fekk selskapet kongeleg konsesjon til bygging av ei smeltehytte i Evje sokn. Smeltehytta vart bygd og sett i drift same året i Fossvik på austsida av Fennefossen i dåverande Evje kommune. I 1909 blei det gamle Interessentselskapet omdanna til eit nytt aksjeselskap, Evje Nikkelverk (AS), som stod for drifta vidare. Dette selskapet gjekk konkurs i 1925. Under den tredje og siste driftsperioden, frå 1927 til 1946, var det Raffineringsverket AS som var ansvarleg for drifta.

I dag (2016) har Agder Energi Vannkraft AS fått konsesjon for utbygging av Fennefoss kraftverk i det same området som det gamle smelteverket låg.

Kjelder

• Olav Arne Kleveland, Flot nikkelgruve - Evje nikkelverk, hefte utgjeve av Evje og Hornnes sogelag, 2000
• Sigmund Monen, Frå gamle gruvetradisjonar i Setesdal til arbeidarkultur i Evje, utgjeve av Evje og Hornnes kommune, 2016, side 126-131, side 169 flg. og side 187 flg.