Fennefoss kraftverk

Fennefoss kraftverk er eit elvekraftverk under bygging i Fennefossen i Otra i Evje og Hornnes kommune. Konsesjonshavar og utbyggar er Agder Energi Vannkraft. TT Anlegg fekk sommaren 2020 hovudoppdraget med å bygge kraftverket. Byggearbeida starta 1. september 2020. Konsernsjef Steffen Syvertsen i Agder Energi og ordførar Svein Arne Haugen tok dei første spadestikka. Heile anlegget skal stå ferdig våren 2023.

Fennefossen der Fennefoss kraftverk er planlagt bygd.

Foto: Geir Daasvatn

Anleggsområdet for kraftverket 4. september 2020.

Foto: Geir Daasvatn

Prosjektet omfattar bygging av inntaksdam på toppen av Fennefossen og bygging av kraftstasjon som bygg i dagen med tilhøyrande innlaups- og utlaupskanal på austsida av fossen. Kraftverket vil i gjennomsnitt kunne produsere om lag 59 GWh per år. Det svarar til det årlege straumforbruket til rundt 3 000 norske husstandar.

Historie

Kommunestyret i Evje og Hornnes gav i kommunestyremøte 28. august 2014 si høyringsuttale til departementet, i samband med NVE si positive innstilling til å gi konsesjon til bygging av kraftverket. I statsråd 11. desember 2015 gav regjeringa konsesjon til bygging av kraftverket.

Kjelder

• Norges vassdrags- og energidirektorat, Innstilling til Olje- og energidepartementet datert 4. juni 2014 i forbindelse med søknad fra Agder Energi Vannkraft AS om konsesjon til bygging av Fennefoss kraftverk i Evje og Hornnes kommune
• Pressemelding fra Olje- og energidepartementet om konsesjon til bygging av Fennefoss kraftverk
• Ole Birger Lien, Fennefoss-avklaring dreg ut, artikkel i Setesdølen nr. 16, 2016, side 11
• Fennefossutbygging i det blå, stykke i Setesdølen nr. 36, 2016, side 3
• Sigurd Haugsgjerd, TT Anlegg fekk Fennefoss-bygginga, artikkel i Setesdølen nr. 49, 2020, side 6
• Sigurd Haugsgjerd, Fennefoss-utbygginga i gang, artikkel i Setesdølen nr. 66, 2020, side 4

Eksterne lenker

Om konsesjonssøknaden på hjemmesiden til Evje og Hornnes kommune