Elgen

Elgen, skilag (idrettslag) på Byglandsfjord i Bygland kommune frå 1927 til 1962. Laget blei skipa på Byglandsfjord 30. november 1927, og hadde då 35 medlemer. Laget hadde mellom anna ein hoppbakke kalla Vinddalsbakken, på austsida av Elgnuten, under Årdalsknapen. Laget hadde utøvarar som hevda seg godt i både hopp, kombinert og langrenn.

På årsmøte i Elgen hausten 1962 vart det samrøystes vedteke at skilaget skulle gå saman med Otra IL, og frå 16. oktober 1962 var Elgen ein del av det nye idrettslaget for Evje, Hornnes og Byglandsfjord.

Profilar

• Marcus Fiskaa
• Trygve Hermansen
• Jon Klepp
• Sigurd Klepp
• Knut Aaneland
• Sverre Stålesen
• Wilhelm Svenningsen
• Jakob Svenningsen

Knut K. Horverak

Kjelder

• Olav Arne Kleveland, Otra IL 50 år - ei reise gjennom 50 års historie, jubileumsbok utgjeven av Otra IL, 2010
• Skilaget Elgen - Trygve Hermansen, ein av veteranane i laget, fortel til Olav Horverak, artikkel i Jol i Setesdal, 1989, s. 25-28