Grendi
Grendi er ei bygd på austsida av Byglandsfjorden i sør Bygland kommune, men nord for Byglandsfjord. Bygda ligg 18 km sør for Bygland sentrum. Det er fleire verksemder i Grendi. Om ein kjem Riksveg 9 frå nord, kjem ein først til Grendi Handel som blei nedlagt i desember 2013 på austsida av vegen. Like etter kjem ein til Årdal kyrkje, på vestsida av vegen og kyrkjegarden på austsida. Like etter kyrkja er det eit vegkryss der vegen fører opp til Landeskogen. Heilt sør i Grendi ligg Almedal sagbruk.
Bygda hadde tidlegare barneskule. Den er no gjort om til grendehus. Staden hadde tidlegare postkontor med postnummer 4742 Grendi og post i butikk.
Historie
Frå gamalt av var truleg gardane i Grendi; Lande, Greibrokk, Bakke og Hovstad, ei samanhangande eining, ein stor gard, som strekte seg frå fjorden i dalbotnen og opp på heia til grensa mot Tovdal. I tillegg skal det frå høgmiddelalderen ha vore ein gard til, kalla Stussåker. Namnet på eininga har truleg vore Årdal, som kyrkjesoknet seinare vart heitande.[1] Frå ca 1300 var garden Bakke i Grendi den faste tingstaden i Råbyggelaget, til Kristian V`s Norske lov gav andre tingplassar.
Gardar i Grendi
Kjelde
- Oddmund Mogstad, Tinget på Bakke, 29/7 (Sti Olavi Dag) 1581, artikkel i Arnstein, årsskrift for Evje og Hornnes Sogelag, 2014, s. 44-46
Kart
- ↑ Torbjørn Låg, Agders historie, band I, Kristiansand, 1999, s. 97