Vånne
.jpg)
Vånne er ein gard (gnr. 41) sør-aust i Evje og Hornnes, mot grensa til Iveland. Nabogard i sør er Landsverk. Fylkesveg 309 (Vånnevegen) går forbi garden.
Namnet
Namnekjennaren Oddmund Mogstad meiner det opphavelege namnet på garden har vore Vorn eller Varna. Varna er eit gamalt elvenamn, og gamle folk skal ha kalla Klepsåna som renn forbi garden for Varna. Varna skal ha med siv å gjere. Det kan stemme, seier Mogstad, for det er siv både i Litjønn og ved osen av Klepsåna. Kanskje har Vånne då fått namn etter bekken Vorn, som garden ligg attmed, slik gardane Bjorå og Kjebekk også har fått namn etter bekkar som renn forbi.
Historie
Det er vanskeleg å seie kor gamal garden er. Men han er nok minst frå norrøn tid, altså frå før svartedauden. Men Vånne låg øyde i 1601.
Kjelder
- Oddmund Mogstad, Gardsnamn i Evje, Arnstein 2008, side 34
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 63