Olav A. Fennefoss

Fra Setesdalswiki
Share/Save/Bookmark
Hopp til: navigasjon, søk
Olav A. Fennefoss
Født: 19. juli 1883
Død: 18. juli 1975 (91 år)

Olav Andersson Fennefoss (fødd 1883, død 1975) var bonde og lokalpolitikar i Hornnes. Han var ordførar i tolv år, og var den siste ordføraren i Hornnes kommune.

Olav Fennefoss representerte partiet Venstre. Han var med i kommunestyret i Hornnes i ti periodar. Han blei vald til ordførar ved kommunevalet hausten 1947, og sat som ordførar frå 1948 til Hornnes kommune blei slegen saman med Evje kommune til Evje og Hornnes kommune frå 1. januar 1960. Som ordførar var han også automatisk medlem av fylkestinget og fylkesutvalet. Han hadde mange lokalpolitiske verv, i tillegg til ordførarvervet. Han var formann i jordstyret i mange år, og formann i skulestyret. Han sat i forstandarskapet i Evje og Hornnes Sparebank i 16 år, åtte av desse som formann. Av dei mange politiske sakene han arbeidde for, var truleg bygginga av ny gamleheim i Hornnes den saka han brann mest for.

Olav Fennefoss var bonde av yrke. Han eigde bruket LundenFennefoss. Han hadde mange tillitsombod i bondesamvirket. Han var også sterkt engasjert i ideelle organisasjonar og frivillig arbeid. Målsaka og fråhaldssaka var hjartesaker. Fennefoss var leiar i Hornnes fråhaldslag i 30 år. Han hadde også tillitsombod på fylkesplan i Det Norske Totalavholdslag (DNT).

Utmerkingar[rediger]

Kjelder[rediger]