Nordbygdevegen

Nordbygdevegen forbi Skarg kraftverk i austre enden av Botsvatn. Vegen fortset på nordsida av vatnet fram til Nesland og Holen kraftverk som ein ser heilt i bakgrunnen.

Foto: Geir Daasvatn

Nordbygdevegen (veg nr. 1010) er ein veg i Nordbygdi i Bykle. Han tek til frå Rv-9 om lag ein kilometer sør-vest for Bykle kyrkjebygd, og går i vestleg retning innover til Botsvatn og Nordbygdi. Ved Holsmoen delar han seg i ei sørleg grein som går til garden Viki, og ei nordleg grein som går fram til Nesland. Her ligg Holen kraftverk.

Frå Nordbygdevegen heilt i austre enden av Botsvatn går det veg nord-vestover forbi Skargjevatnet til Store Urevatn. Vegen er vinterstengt, men ellers open for alle.

Nordbygdevegen frå stemmen ved Holshølen. Tveiti på andre sida av Bossvatn.

Siri Johannessen (2021)

Kjelder

• Notat dagsett 15. desember 2015 over vegnamn i Bykle kommune
• Kart, GISLINE Webinnsyn Setesdal

Kart

Laster kart ...