Kristian Kvitne
| Kristian Kvitne | ||
|---|---|---|
| ||
| Sentral i den lokale idretten i Evje og Hornnes i mest 40 år og æresmedlem i Otra IL. Foto: Setesdølen
| ||
| Født: | 1. oktober 1930 | |
| Død: | 24. juli 2001 (70 år) | |
Kristian Kvitne (fødd 1. oktober 1930, død 24. juli 2001) var offiser i Forsvaret og arbeidde i Evjemoen militærleir i ei årrekkje. Han var også lokalpolitikar (Arbeiderpartiet) i Evje og Hornnes kommune.
Kristian var leiar i Otra IL i fire periodar på tilsaman ni år: 1968-1969, 1972, 1975-1977 og 1988-1990. Dette er lenger enn nokon annan, med unntak for Finn Bjørn Rørvik. Han var leiar i fotballgruppa 1963-1965 og 1974, og styremedlem i fotballgruppa 1961-1962 og 1968. Han var leiar i orienteringsgruppa 1983-1985, og sekretær i skigruppa i to år. Alt i alt var han med i styret i idrettslaget i opp mot 30 år, i ulike verv, og samanhengande frå 1962 til 1984. Han vart utnemd til æresmedlem i Otra IL i 1985.
Kristian Kvitne var aktiv fotballdommar i om lag 35 år. Han var dessutan leiar av den kommunale ungdoms- og idrettsnemda (KUI) i fleire år, og medlem i byggjekomitéen for Idrettsbygget ved Evje stadion.
Kristian Kvitne var gift med Kari Kvitne.
Utmerkingar
- Kulturprisen i Evje og Hornnes 1995 for arbeidet sitt med å få bygd Furuly flerbrukshus
Kjelder
- Olav Arne Kleveland, Otra IL 50 år - ei reise gjennom 50 års historie, jubileumsbok, utgjeve av Otra IL, 2010