Destinasjon Hovden
Destinasjon Hovden er destinasjonsselskapet for Hovden og Bykle. Selskapet driv også turistkontoret for Bykle kommune, og er koordinator for løypeprepareringa i kommunen. Destinasjon Hovden er i tillegg leverandør av tenester til Visit Setesdal. Kontoret er i Hovdetun i Hovden sentrum. Selskapet har fire tilsette. Destinasjonssjef til 31. desember 2020 var Roy Bakke. Han overtok etter Lasse Eidskrem i 2018. Frå [[1. januar 2021 til 31. desember 2021 var Kirsten Leira dagleg leiar. Ved årsskiftet 2021/2022 ønska ho å gå tilbake til å vere ansvarleg for å drifte turistkontoret i Bykle. Unn Hovden overtok som dagleg leiar av Destinasjon Hovden. Selskapet har mange samarbeidspartnarar; om lag 60 bedrifter støtter arbeidet med å utvikle Hovden som ein heilårs reiselivsdestinasjon.
Destinasjon Hovden blei skipa i 1985, med då under namnet Hovdenferie AS. Bykle kommune eig ca 99 % av aksjane. Den siste prosenten har Setesdal Regionråd.
Styre
Frå hausten 2020 var styresammensetninga slik: Arve Andersson (leiar), Eivind Robert Buckner, Siri Lande, Jon Martin Bjørgum og Sigrid Dreemann Medley-Tellefsen
I 2020 var desse med i styret: Tallak O. Hoslemo (leiar), Frode Verpe, Roar Hjelmeset, Kirsten Leira og Ann-Torill Briksdal.
Styret i 2018: Frantz A. Nilsen (leiar). Styremedlemer: Roger Hagel Sørli, Kristin Sæthre Bondevik, Ann-Torill Briksdal og Håkon-Andre Andersen.
Styret i 2017 var Odd Grønberg (leiar), Ole P. Bruun (nestleiar), Uwe Arntzen (styremedlem), Ann-Torill Briksdal (styremedlem), Signe Sollien Haugå (styremedlem) og Pål Martens Bratland (styremedlem). Varamedlemmer med møterett: Bjørn Erling Auestad og Marcin Matysik.
Kjelder
- Destinasjon Hovden AS, notis i Setesdølen nr. 34, 2017, side 10
- Om endring av dagleg leiar i Brønnøysundregisteret
- Om nytt styre 2018 i Brønnøysundregisteret
- Om nytt styre 2019 i Brønnøysundregisteret
- Artikkel i Setesdølen om leiarskiftet ved årsskiftet 2021/2022