Berdalsbru (bru)
Foto: Geir Daasvatn
Berdalsbru er ei stålbjelkebru på Riksveg 9 over Otra ved Berdalsbru mellom Hoslemo og Hovden nord i Bykle. Brua er bygd i 1962. Ho er 63,52 meter lang. –
Historie
Den første køyrevegen mellom Bykle og Hovden kom hit i 1907. I åra 1907–1912 blei det bygd ei steinkvelvbru over Otra (ferdig 1913). Men i aprildagane 1940 vart ho sprengd av norske motstandsfolk. Tyskerane fekk bygd opp ei mellombels bru inntil ein fekk bygd ei ny bru av tømmer. Tømmerbrua stod til 1962, då den nåverande brua kom.
Kjelder
- Reidar Tveito, Riksveg 9 - Bruer og særtrekk langs vegen, utgjeve på eige forlag, 2014, side 215
- Leonhard Jansen, Livsnerva gjennom Setesdal, jubileumsbok for Setesdal Bilruter, 2022, side 50