Hallvard Frøysnes
| Hallvard Frøysnes | ||
|---|---|---|
| Født: | 26. februar 1933 | |
| Død: | 4. juni 2026 (93 år) | |
Hallvard Vrålson Frøysnes (fødd 26. februar 1933 på Frøysnes) arbeidde som lærar i Bygland kommune frå 1958. Han representerte Arbeiderpartiet som medlem av kommunestyret i Bygland i 20 år, 16 av desse var han med i formannskapet. Han var varaordførar då ordførar Osmund Faremo vart vald inn på Stortinget i 1965, og dermed overtok han som ordførar i kommunen frå 1966-1968. Han hadde og ei rekke andre politiske verv, mellom anna som formannskapssekretær og formann i skolestyret då Bygland skule og symjehallen vart bygd i kommunen.
Før han tok lærarutdanning hadde Hallvard Frøysnes teke landbruksskole og gått på Hornnes landsgymnas. Han har befalsutdanning, og var med i Heimevernet i mange år. Han dreiv symjeopplæring for born og vaksne og var sommarvikar i Setesdal Bilruter. Han var også aktiv i idrett og krinsmeister i stille lengde og høgde (1957). Ei tid dreiv han og kjøreskule.
Hallvard var gift med Astrid Moi (f. 1935). Dei gifta seg i 1954, men blei skilde i 1984. Borna deira er Vidar Frøysnes (f. 1955), Torjus Moi Frøysnes (f. 1963), Sigrun Frøysnes Flaa (f. 1966) og Aslaug Moi Frøysnes (f. 1970).
Gravferda var frå Sandnes kyrkje fredag 19. juni 2026 klokka 12.
Kilder
- Sigurd Haugsgjerd: Vil framleis ha eit ord med i laget - Omtale i Setesdølen 26. februar 2008 side 2.
- Omtale i Aftenposten Kultur 26. februar 2008 side 13
- Torkjel Segberg: Hallvard Frøysnes 80 år. Artikkel i Setesdølen nr. 16, 2013 side 5
- Reidar Vollen, Bygland gard og ætt, bind IV, utgjeve av Bygland kommune, 2006, side 118-120
- Dødsannonse i Setesdølen nr. 42, 2026 side 2