Odd Helge Liestøl

Odd Helge Liestøl
Odd Helge Liestøl i 2010. Foto: Geir Daasvatn
Født:	19. desember 1961 (64 år)

Odd Helge Liestøl (fødd 19. desember 1961) er sørvis -og reiselivssjef i Åseral kommune. Som leiar for tenestetorget i Åseral er han og redaktør av det kommunale meldingsbladet Åsdølen. Han har bakgrunn som bonde og var også tilsett i Forsvaret tidlegare. Odd Helge Liestøl bur på Hannåsfeltet i Evje og Hornnes kommune og er med i Evje og Hornnes kommunestyre og i formannskapet i kommunen som representant for Tverrpolitisk bygdeliste i Evje og Hornnes kommune, som han tok initiativet til i 2007, og som då fekk fire kommunestyrerepresentantar. Ved kommunevalet 2011 var det bare han som kom inn frå denne lista.

I fritida har han eit stort engasjement for moisund.com, nettavisa for Indre Agder (dalstroka innanfor). Han driv saman med Øystein Moi og Setesdalstrykk magasinet Moisund Avis. Odd Helge Liestøl er dagleg leiar av dette.

Han har også vore sterkt engasjert innan Otra IL. Mellom anna var han leiar av skøytegruppa i 1980-1981, og han var sjølv ein god skøyteløpar i si tid. Han spelte fotball i mange år i fotballgruppa, frå han var lilleputtspelar til han kom med på seniorlaget, og har seinare hatt styreverv og trenarverv i denne gruppa.

Gunleiv frå Moi i Morus-revyen i 2011. Foto: Geir Daasvatn

Odd Helge Liestøl var svært aktiv innan Morus-revyen.

Kjelder

• Sigurd Haugsgjerd: Odd Helge Liestøl 50 år. Artikkel i Setesdølen nr. 99, 2011 side 11

Eksterne lenker

• Om Odd Helge Liestøl i Moisund Avis