Torgeir Lund-bygget
Torgeir Lund-bygget er eit forretningsbygg i Evje sentrum. Det ligg på austsida av sentrumsgata, nord for Sagatunbygget. Naboeigedom i nord er bygget som huser Intersport Evje. I dag (2016) disponerer butikken Kjøkken & Hjem 1. etasje i bygget, saman med Jaktcompagniet Evje. I 2. etasje held verksemda Merkantil Service Evje til.
Historie
Torgeir Lund kom frå Valle til Evje og starta forretning på denne tomta 30. november 1931. Lund overtok eigedomen, som på denne tida vart kalla Vonheim, frå handelsmannen John Dalane. Dalane hadde då drive eigen handelsverksemd her sidan hausten 1921.
30. november 1978 opna Lund eit nybygg som stod vegg-i-vegg med Sagatunbygget. Den opphavelege butikken, trehuset bygd ca 1914, blei rive ca 1987. 5. mai 1988 opna butikken etter ei større utviding nordover, på tomta til det tidlegare trehuset.
Kjelder
- Artikkel om Tor Idar Lund og verksemda i Torgeir Lund-bygget i arkivet til Moisund.com
- Opplysningar gjeve av Tor Idar Lund på Facebook-sida «Minner fra Hornnes og Evje» 4. mars 2017
- Opplysningar frå Tor Idar Lund på Facebook-sida «Minner frå Hornnes og Evje» 26. november 2018