Lognadalen

Fra Setesdalswiki
Share/Save/Bookmark
Hopp til: navigasjon, søk
Austegard i Lognadalen.

Lognadalen er eit dalføre i Bygland og Åseral. Det strekker seg frå heietraktene i Bygland vesthei i nord sørover til Kyrkjebygd i Åseral. På vestsida av dalføret er fjella ofte bratte. På austsida er det slakare skoglier. I dalbotnen renn elva Logna. I Bygland ligg heiegarden Ånebjør. Sør for Ånebør, over grensa til Åseral, ligg den nedlagte heiegarden Helleren. Vassmagasinet Juvatn fyller opp dalbotnen her. I søre enden av Juvatn ligg Juvassdammen. Vidare sørover i dalen kjem ein til Austegard og Lognavatn. Frå søre enden av Lognavatn går ein sidedal, Fiskårdalen, i sør-austleg retning mot Hornnes. Herfrå går det også veg nordover om Tjaldal til Bortelid. Etter Lognavatn ligg gardane Røynli, Eikild, Rosseland, Honna, Smeland og Torsland på rekke og rad nedover dalen.

Kjelder[rediger]

  • Norgeskart.no
  • Olav Leirvik, Åseral, kapittel i Norges Bebyggelse, herredsbindet for Vest-Agder, vestre del, Faglitteratur AS, opptrykk 1997, side 820