Langevatn molybdengruve
Langevatn molybdengruve var ei gruve drifta på molybdenførekomsten ved Koparnuten ved Langevatn i fjellet vest for Breive på Hovden. Då hadde det tidlegare, frå rundt 1898, vore noko drift etter kopar på same staden. Kobbernutens Interresentskap eigde driftsrettane i området.
Molybdenruva var i drift omlag frå 1910/1911–1913, ved eit tysk gruveselskap som hadde leigd driftsrettane av Kobbernutens IS. Seinare, omkring våren 1918, sette Kobbernutens IS sjølv i gang med drift etter molybden her. Men i november 1918 var 1. verdskrigen slutt. Molybden brukast mellom anna i våpenproduksjon, og var ikkje lenger like etterspurt. Drifta stansa igjen ganske snøgt.
Mellom dei som arbeidde i molybdengruva ved Langevatn var den tidlegare driftsstyraren på Evje nikkelverk, Gudbrand Henriksen. Han var disponent ved anlegget.
Kart
Kjelder
- Sigmund Monen, Frå gamle gruvetradisjonar i Setesdal til arbeidarkultur i Evje, utgjeve av Evje og Hornnes kommune, 2016, side 107–114
- Knut Gjerden, Bykle bygdesoge - Kultursoga, Kristiansand, 1974, side 46