Ivedal
.jpg)
Ivedal er ein gard (gnr. 5) i austhallet av Frøysådalen i Iveland. Fylkesveg 293 som går austover til Vatnestrøm startar ved Ivedal.
Namnet
Elva som renn inn i Birketveittjønna frå nord heitte frå gamalt av Langsima. Vidare sørover frå Birketveittjønna var namnet truleg Iva (Ifa), sjølv om ho idag heiter Frøysåna. Når det då låg to gardar langs elva med Iva- som førsteledd, Iveland og Ivedal, måtte gardsnamna naturleg kome av elvenamnet, skriv Aslak Fjermedal i gards- og ættesoga for Iveland.
Historie
Ein reknar med at Ivedal-garden kom til i folkevandringstida. Det finst fleire gravhaugar på garden som peiker mot høg alder. Det kan også vere restar av ei bygdeborg på garden. Han er ein av opphavsgardane i Iveland. Garden strakk seg opphaveleg tvers over dalen langs grensa mot Frøyså i sør og passeleg langt mot nord. I aust var toppen av heiedraget ei naturleg grense, og størstedelen av heieviddene vestover mot Otra høyrde med. I vikingtida blei Rossås skild frå, og blei eigen gard.
Kjelder
- Aslak Fjermedal, Iveland I - Gards- og ættesoge, utgjeve av Iveland bygdesogenemnd, 1955, side 79-93
- Aslak Fjermedal, Iveland II - Ålmenn kultursoge, utgjeve av Iveland bygdesogenemnd, 1962, side 147 og 155
Kart
.