Aslak Fjermedal (1891-1969)
| Aslak Fjermedal (1891-1969) | ||
|---|---|---|
| Født: | 15. september 1891 | |
| Død: | 12. mai 1969 (77 år) | |
Aslak Fjermedal (fødd 1891, død 1969) var bonde på Nedre Fjermedal, lærar, museumsmann og bygdebokforfattar i Iveland. Han var ordførar i Iveland 1943–1945.
Aslak Fjermedal tok lærareksamen i 1913 og examen artium i 1918. Han var lærar i folke-, framhalds- og folkehøgskulen til 1942. Han har skrive gards- og ættesoga for Iveland (utgjeve 1955) og to band med ålmenn kultursoge (utgjeve 1962 og 1969).
Iveland og Vegusdal bygdemuseum var opprinneleg eit privat gardsmuseum som Aslak Fjermedal etablerte på garden sin. Heilt frå han var ung, reiste han rundt og samla inn gamle ting. Noko fekk han, og noko kjøpte han på auksjonar. I 1967 sette han opp første delen av eit utstillingsbygg. Han fekk også flytta til to gamle hus. I 1974, fem år etter at Aslak døydde, gav familien museet og ei 10 mål stor tomt til Iveland og Vegusdal museumslag, som no eig anlegget.
Kjelder
- Iveland og Vegusdal bygdemuseum, kapittel 34 i Vegusdal - Kultursoge, utgjeve 2002, side 445–452
- Setesdalsmuseet si nettside om Iveland og Vegusdal bygdemuseum
- Iveland I - Gards- og ættesoge, utgjeve av Iveland bygdesogenemnd, 1955, side 886